Ulet numri i viktimave nga koronavirusi në Shqipëri

Shqipëria

Ulet numri i viktimave nga koronavirusi në Shqipëri

Më: 28 mars 2021 Në ora: 18:42
Foto ilustrim

Ministria e Shëndetësisë raporton se në 24 orët e fundit 6 persona kanë humbur jetën nga koronavirusi në Shqipëri, ndërsa janë regjistruar edhe 493 raste të reja nga 2993 testime të kryera.

Rastet pozitive janë konfirmuar në këto bashki: 141 raste në Tiranë, 37 raste në Shkodër, 29 raste në Elbasan, 28 raste në Fier, 20 raste në Berat, 19 raste në Vlorë, 16 raste në Gjirokastër, 15 raste Sarandë, 14 raste në Kavajë, Pogradec, Gramsh, 12 raste në Lushnje, Kuçovë, 11 raste në Durrës etj.

Në 24 orët e fundit janë shëruar 557 qytetarë, duke e çuar numrin e të shëruarve në 89.456 që nga fillimi i epidemisë.

Aktualisht në spitalet COVID në Tiranë dhe tre spitalet rajonale po trajtohen 327 pacientë, 18 në terapi intensive, nga të cilët 7 pacientë janë të intubuar.

Me gjithë përpjekjet e stafit mjekësor, 6 qytetarë e kanë humbur betejën me COVID-19: 4 qytetarë nga Tirana, 1 qytetar nga Vlora, 1 qytetar nga Librazhdi, të moshave 64- 85 vjeç.

Që nga shpërthimi i epidemisë me koronavirus në Shqipëri janë konfirmuar 124.134 raste pozitive, prej tyre 89.456 janë shëruar, 32.468 janë raste aktive, ndërsa betejën me sëmundjen e rrezikshme e kanë humbur 2.210 persona.

commentFirst article
Sot mund të lexoni Shfletoni kopertinat