Kryeministri Edi Rama ka lëshuar një tjetër apel për kontrollorët e trafikut ajror në Rinas.
Në një postim në Twitter kreu i qeverisë u bën thirrje që të kthehen nesër në punë, përndryshe nuk do të kenë më vend në Albcontrol.
Gjithashtu Rama u bën thirrje që të ndahen nga ata që i futën në këtë rrugë qorre.
“Apel për kontrollorët e Rinasit: Ndahuni nga ata që ju futën në këtë lojë të çmendur me zjarrin! Braktisini në rrugën e tyre qorre organizatorët e kallëzuar penalisht! Kush nuk kthehet në punë nesër, nuk do gjejë më vend në Albcontrol. Koha e Rrumpallës ka vdekur dhe nuk kthehet!”, shkruan Rama.
