“Nëse e shet votën, nesër do të jesh skllav i pushtetit”.
Ky është mesazhi i rradhës që i drejton shqiptarëve Presidenti i Republikës Ilir Meta.
Përmes një postimi në Facebook, ku shpërndan edhe një analizë të Ndriçim Kullës, kreu i shtetit shprehet besimplotë se më 25 Prill shqiptarët do të tregojnë se janë një popull shqiponjash.
Ilir Meta: Një analizë brilante e publicistit të shquar, Ndriçim Kulla, që e fton të gjithë shoqërinë për një reflektim të thellë, për të kuptuar njëherë e përgjithmonë se: Fuqia e çdo qytetari në demokraci është vetëm vota e tij. Përndryshe, nëse e shet votën, nesër do të jesh një skllav i pushtetit.
Por shqiptarët do e tregojnë veten, që janë popull shqiponjash më 25 prill duke dërrmuar kapjen e shtetit dhe rivendosur demokracinë.