Për 7 orë rresht, merret në pyetje Emiljano Shullazi

Shqipëria

Për 7 orë rresht, merret në pyetje Emiljano Shullazi

Më: 11 prill 2021 Në ora: 12:28
Emiljano Shullazi

Për 7 orë më rradhë Emiljano Shullazi i është përgjigjur pyetjeve të prokurorëve mbi vrasjen e Vajdin Lamajt në vitin 2005. Po ashtu për ekzekutimin e Klodjan Saliut para akuzës është paraqitur dhe Indrit Rusi

Emiljano Shullazi, një nga personat që momentalisht ndodhet në burg për gjobëvënien ndaj biznesmenit Ylvi Beqja dhe i dyshuari kryesor nga SPAK, si organizator i vrasjes së Vajdin Lamaj në 25 shkurt 2005, është marë në pyetje nga oficerët e prokurorisë. 

Mësohet se seanca  është zhvilluar ditën e martë të kësaj jave dhe ka zgjatur për 7 orë me rradhë në ambjentet e prokurorisë së posaçme SPAK.

Shullazi ka qëndruar përballë dy oficerëve të policisë gjyqësore, të cilëve u është përgjigjur çdo pyetje lidhur me njohjen e tij me Lulzim Berishën, Indrit Taullaun, Plaurent Dervishaj dhe Luftar Reçin, personin që tashmë konsiderohet bashkëpuntor i SPAK.

Njëherësh Shullazi i është përgjigjur dhjetëra pyetjeve lidhur me dyshimet e prokurorisë për pjesëmarjen e tij në vrasjen e biznesmenit Vajdin Lamaj në Tiranë.

Asnjë nga krimet për të cilat e akuzuan prokuroria, Shullazi nuk ka pranuar, duke treguar se nuk ka lidhje me ngjarjet, pasi nuk ka qenë në Tiranë periudhën kur kanë ndodhur krimet. Shullazi përmendet në dëshminë e Luftar Reçit, si personi që ka shkuar tek Reçi me një makinë tip “Mitsubishi” me fenelinë policie dhe i ka marë eksplozivin C4, që ai kishte përgatitur me porosi të Lulzim Berishës.

Ditën e premte në ambjentet e prokurorisë së posaçme SPAK, është marrë në pyetje një tjetër i arrestuar për vrasjen e Klodian Saliut, ngjarje e ndodhur në muajin shkurt 2005 në Durrës.

Për tre orë me rradhë Indrit Rusi, ka dhënë shpjegime lidhur me pyetjet e dy oficerëve të policisë për pjesëmarjen e tij në rolin e vëzhguesit të Klodian Saliut, para se ky i fundit të vritej. Rusi që Durrës njihet ndryshe edhe me nofkën “Çeçi” s’ka pranuar asnjë nga akuzat e prokurorisë, duke pohuar se nuk kishte njohje fare me Luftar Reçin, Klodian Saliun, Indrit Taullaun dhe Plaurent Dervishaj.

Ai ka pohuar se nuk e mbante mënd vendodhjen e tij në muajin shkurt 2005, për shkak se ka kaluar shumë vite. Rusi indetifikohet nga bashkëpuntori i prokurorisë Luftar Reçi, si person pranë Lulzim Berishës dhe se ditën e vrasjes së Klodian Saliut, ai ka qënë në rolin e vëzhguesit të viktimës.

Aktualisht për vrasjen e Klodian Saliut dhe Vajdin Lamaj, prokuroria e posaçme SPAK, ka arrestuar Indrit Taullaun, Indrit Rusin, Luftar Reçin, Emiljano Shullazin dhe Viktor Ymerin nga Vlora. Ndërsa Lulzim Berisha vijon të jetë në kërkim.

Sot mund të lexoni Shfletoni kopertinat