Taulant Balla i është përgjigjur akuzave të ngritura lidhur me përdorimin e të dhënave nga qytetarët për zgjedhjet e 25 prillit.
Përmes një postimi në Facebook, kreu aktual i grupit parlamentar të PS-së, Balla shprehet se se një gjë e tillë nuk është e vërtetë pasi partia ka databazën e saj të të dhënave të krijuar prej kohësh.
“O shpifësa të dëshpëruar! Partia Socialiste ka databazën e saj të të dhënave të krijuar me vite të tëra organizimi dhe komunikimi derë më derë me njerëzit. Quhet punë në terren kjo dhe bëhet me kontakte direkte jo me makina e me flamunj, prandaj prisni me qetësi 25 prillin dhe mos kujtoni se sa më shumë makina e zhurmë rrugëve aq më shumë vota në kutinë ku vendoset e ardhmja!,”-shkruan Balla.
Një skandal është zbuluar sot nga Lapsi.al. Një database me të dhënat e mbi 910 mijë votuesve, përfshirë këtu një sërë emrash të njohur, të cilët janë të skeduar me preferencat politike dhe shanset se për kë do të votojnë me 25 prill. Sipas portalit, ky regjistër elektronik është shpërndarë në të gjitha degët e PS në Shqipëri.
