Kryemadhi: Do e çojmë deri në fund betejën me bandat e Rilindjes, nuk jemi partia e karrigeve

Shqipëria

Kryemadhi: Do e çojmë deri në fund betejën me bandat e Rilindjes, nuk jemi partia e karrigeve

Më: 14 prill 2021 Në ora: 17:04
Monika Kryemadhi

Teksa na ndajnë 11 ditë nga zgjedhjet e 25 prillit, Lëvizja Socialiste për Integrim, e ka vijuar turin e fushatës elektorale në qytetin e Lushnjës.

Kryemadhi gjatë fjalës së saj, theksoi se LSI është partia e të rinjve, familjes dhe të personave që merren me bujqësi.

“Thanë që do bie shi, por edhe zoti e do LSI e hapi qiellin. Unë jam deputetja që do të përfaqësoj LSI në qytetin e Lushnjës. Jo vetëm që jam krenare, e ndjej veten të respektuar që ditën e parë që kam ardhur këtu. Jam respektuar nga të gjithë djemtë e vajzat. Nuk është vetëm kjo respekti, është që pas datës 25 prill, jam borxhlie deri në fund me qytetin e Lushnjës, sepse detyrat tona janë aq të mëdhaja përballë banorëve të Lushnjës. Ajo që është e rëndësishme është angazhimi yunë për t’i cuar gjërat përpara. LKushnja e ka votuar LSI, jo vetëm Lushnja, por edhe qarku i Fierit. Ajo i ka dhënë votë LSI dhe e ka përfaqësuar në Parlament. Unë prandaj kam ardhur të kandidoj në qarkun e Fierit, për të larë të gjithë borxhet ndaj jush, familjeve tuaja, naftëtarëve. Sidomos familjes, sepse janë larguar të rinjtë. Unë marr përsipër si nënë përball jush, nëse nuk kthejmë kokën pas për të treguar se ku ishim dhe jemi, për të kthyer kush të jep dorën për të ndihmuar, nuk kemi sjellë ndryshim. Ndryshimi nuk vjen duke u përkëdhelur tek kryetarët dhe kryetaret e partive, ndryshimi vjen tek toka jonë, familja jonë, qyteti ynë, me votën më 25 prill me numrin 6, për të votuar LSI. Sepse LSI është partia e të rinjve dhe të rejave, e familjeve shqiptare, nuk është e kryetare, që është partia juaj.

Iku koha kur njerëzit votonin emrin, por vlerat, virtytet, solidariteti janë ato që na mbajnë bashkë. Ajo që duhet të kuptojmë është që nga Shkodra deri në Sarandë, kandidatët e LSI janë 1 dhe janë lista fituese e LSI. Motra dhe vëllezër dhe 11 ditë nga sot na ndajnë nga data e ndryshimit, 25 prilli. Do të dëgjoni pafundësisht lajme, do iu trokasin në dyert e shtëpive me qese ushqimesh, do iu presin energjinë elektrike do iu shtojnë taksat, mos u tërhiqni, por qëndroni bashkë më 25 prill për të votuar për familjet tuaja, për të votuar për Shqipërinë që të bëhet Shtëpia e shqiptarëve dhe për t’i thënë jo çdo politikani. Shqipëria është e shqiptarëve! Të dashur motra dhe vëllezër, unë jam nëna e tre fëmijëve, kam 30 vite që merrem me politikë. Kam mbi 17 fushata elektorale që realizoj. E kam pasur të vështirë, e kam ende të vështirë, sepse një gjë duhet ta dini, unë nuk bëj kompromis me të ardhmen e të rinjve dhe të rejave. Unë nuk bëj kompromis me askënd, që kërkon të përdori historinë e LSI, flamurin e të rinjve e të rejave, qoftë për karrige, qoftë për pushtet, qoftë edhe për emër. Me Petrit Vasilin, Luan Ramën, me Kejdën, me të gjithë burrat dhe gratë e LSI, do e çojmë deri në fund betejën tonë përballë bandave.

Do e çojmë betejën tonë përballë bandave dhe sporteleve të Edi Ramës që do të bëj Pazar jo vetëm me LSI, por me të ardhmen e shqiptarëve. Më 25 prill vota juaj do të jetë për numrin 6, sepse edhe zotit iu deshën 6 ditë për të krijuar botën, edhe numri 6 do të bëjë ndryshimin në Shqipëri dhe do të jetë e ardhmja, sepse është partia e të rejave dhe të rinjve. Këto janë dy vitet e vështira për LSI, sepse morën vendimin që jemi parti me integritet dhe treguam që s’jemi partia e karrigeve, por e të rinjve dhe të rejave, nënave, fermerët. Jemi partia e djemve. Jemi partia e familjeve shqiptare, e të gjithë atyre që duan të sjellin ndryshimin më 25 prill. Mos thërrisni më ‘Rama ik’ se ai ka ikur. Ne kemi vetëm një qëllim. Nuk është të ndërrojmë një parti në pushtet, por të krijojmë vende të reja pune me pagë të mirëpaguara. Qëllimi ynë është që bizneset të lulëzojnë. Qëllimi ynë është që universiteti bujqësor të ketë përfaqësinë e vet këtu”, u shpreh Kryemadhi.

Shfaq komentet
comments powered by Disqus
Sot mund të lexoni Shfletoni kopertinat