Gjatë 24 orëve të fundit, 10 134 persona janë vaksinuar kundër koronavirusit në Shqipëri.
Lajmi bëhet i ditur nga ministrja, Ogerta Manastirliu përmes një postimi në rrjetet sociale.
Ndërsa nga nisja e procesit të vaksinimit më 11 janar, në total janë kryer 314 622 vaksinime.
Sot, 2 viktima
Në 24 orët e fundit, në Shqipëri kanë ndërruar jetë të prekur me koronavirus edhe 2 persona, ndërsa janë regjistruar 179 raste të reja me covid.
Ministria e Shëndetësisë raportoi se 2 qytetarë nga Tirana, të moshave 82-85 vjeç, kanë humbur jetën, ndërsa në rrethe nuk pati asnjë viktimë.