I hoqi pacientit me Covid aparatin e frymëmarrjes, arrrestohet shqiptari në Greqi: Nuk e di si ka ndodhur

Shqipëria

I hoqi pacientit me Covid aparatin e frymëmarrjes, arrrestohet shqiptari në Greqi: Nuk e di si ka ndodhur

Më: 21 prill 2021 Në ora: 08:31
Foto ilustrim

Policia greke ka arrestuar një 60-vjeçar shqiptar, i cili rreth dy javë më parë i hoqi aparatin e frymëmarrjes një 76-vjeçari të infektuar me Covid dhe që ishte i intubuar.

Sipas mediave greke shqiptari, i identifikuar si Spiro.M., i hoqi pacientit tjetër aparatin pasi ishte i shqetësuar nga zhurma, çka shkaktoi edhe vdekjen e 76-vjeçarit.

Arrestimi i shqiptarit u bë pasi ai u shërua nga covid, por sipas mediave greke 60-vjeçari ka deklaruar se nuk ka lidhje me çështjen. Në deklaratën e tij, ai është shprehur se ka qenë në gjumë dhe nuk e dinte se çfarë kishte ndodhur.

Deklaratat e tij nuk kanë rezultuar bindëse, pasi nga hetimet ka rezultuar se në aparat ishin gjetur gjurmët gishtërinjve të shqiptarit.

Shfaq komentet
comments powered by Disqus
Sot mund të lexoni Shfletoni kopertinat