Një makinë është bllokuar nga mbështetësit e Partisë Demokratike në Dibër, ku janë gjetur para. Rasti u denoncua fillimisht nga kandidati demokrat Luan Haka.
Mbështetësit kanë bllokuar mjetin në të cilin ndodheshin dy të rinj, pasi ishin sinjalizuar se këta të fundit po shpërndanin para në zonën e Maqellarës në këmbim të votës.
Një prej personat e bllokuar brenda makinës nga simpatizantët e Partisë Demokratike në Maqellarë, është ndjerë keq.
Ai është nxjerrë nga makina dhe të pranishmit i kanë ofruar një shishe me ujë për të pirë dhe më pas i riu është marrë për krahu nga një efektiv policie.
Ende nuk dihen detaje lidhur me gjendjen e tij shëndetësor, ndërsa makina vijon ende të jetë e bllokuar nga mbështetësit e PD-së.
