Balla pret afër 50% pjesëmarrje: Nga ne nuk pati asnjë shkelje, nga krahu tjetër po

Shqipëria

Balla pret afër 50% pjesëmarrje: Nga ne nuk pati asnjë shkelje, nga krahu tjetër po

Më: 25 prill 2021 Në ora: 18:13
Taulant Balla

Sekretari i Përgjithshëm i Partisë Socialiste dhe udhëheqësi i Qarkut të Elbasanit, Taulant Balla, ka thënë se, deri në fund të votimit, pret pjesëmarrje afër 50 për qind, që do të ishte e përafërt me zgjedhjet e kaluara.

“Rreth 47% do të jetë pjesëmarrja deri në mbyllje”, ka thënë Balla në paraqitjen e tij para mediave.

Ai ka shtuar se socialistët “po presin procesin e mbylljes dhe më pas procesin e numërimit”.

“Besoj se brenda ditës së nesërme të kemi rezultatet dhe të fillojë edhe një herë numri sa u përket kandidatëve”.

Sa u përket parregullsive është shprehur se nuk ka pasur probleme të mëdha, përveç disave me procedurat elektronike.

Për implikimet e partive politike, Balla pohoi se socialistët kanë qëndruar larg qendrave të votimit, ashtu si dhe kërkohet, por nuk kanë bërë njëjtë edhe kundërshtarët e tyre politik – demokratët.

“Besoj që jeni dëshmitarë që, të vetmit që janë shtyrë në qendra të vendvotimeve, vijnë nga krahu tjetër. Nga Partia Socialiste nuk ka pasur asnjë shkelje të asnjë norme”.

commentFirst article
Sot mund të lexoni Shfletoni kopertinat