Ka filluar seanca e parë e Kuvenditpas zgjedhjeve të 25 prilli teksa për dhjetëra deputetë kjo është e fundit.
Seancën e drejton Vasilika Hysi, nënkryetarja e Kuvendit e cila nuk do të jetë në parlamentin e ri në shtator.
Fjalën e parë e ka mbajtur pikërisht Halit Valteri, deputeti i cili garoi si kandidat me siglën e PS dhe nuk fitoi dot. Ai kërkoi që seancën tjetër të bëhet një akt normativ që të falen gjobat gjatë pandemisë.
‘’Gjatë takimeve që kemi pasur në këto 3 muaj të nxehta, do ju kërkoja që seancën e ardhshme të bëjmë një akt normativ që të falen gjobat gjatë pandemisë. Si heqje patentash, apo për subjektet.
Vendi ynë kaloi një situatë të vështirë. Të bashkohemi, dhe seancën e ardhshme të falen këto gjoba. Për 3 vite, një kryefamiljar që ka dalë për një hall apo për një tjetër, dhe s’ka gjetur dakordësinë me policin, pasi 3 vite duhet të ushqejë familjen, duhet të çojë nënën e sëmurë, të çojë fëmijët në shkollë. Z.Balla ta merrni këtë, do punoj fort që opozita të na bashkohet tek kjo nismë.’’- tha Valteri.
