Manastirliu: Infermierët shërbyen pa orare, prej tyre përballuam muajt e vështirë të pandemisë

Shqipëria

Manastirliu: Infermierët shërbyen pa orare, prej tyre përballuam muajt e vështirë të pandemisë

Më: 12 maj 2021 Në ora: 19:56
Ogerta Manastirliu

Ministrja e  Shëndetësisë Ogerta Manastirliu në Ditën Botërore të Infermierëve, shprehet se infermierët në vendi tonë kanë qenë në krye të detyrës orar e pa orar, duke shtuar se falë tyre vendi ka përballuar pandeminë.

Në ceremoninë që është zhvilluar në kuadër të kësaj dite, Manastirliu shprehet se infermierët u janë gjetur pranë të pacientëve me Covid-19, të cilët po luftonin për jetën.

Më tej ajo thotë se brena muajit qershor do përfundohen rreth 1 milion vaksinime kundër Covid-19.

"Në këtë muaj të vështirë pandemie kam kujtuar shpesh, Florenc Najkingen, siç njihet ndryshe zonja me llambë. Thoshte që janë mëse e bindur se heronjtë më të mëdhenj janë ata që bëjnë detyrën e përditshme.

Nuk u harroj ato ditët e para të marsit, kur gjithkush u mblodh tek familjet e vogla, dhe ju u bëtë familja e atyre që vuanin nga virusi. Jeni gjithmonë aty, për të bërë të zakonshmen që për ne është jashtëzakonshmja. Shoh infermierë që kemi ndarë sfida dhe arritje.

Mes jush këtu kam kënaqësinë të shoh dhe shumë infermierë të rinj që janë motiv krenarie. E them sepse janë brez infermierësh që iu dha mundësia të punësohen me meritë e transparencë.

3 vjet më vonë e them me krenari që është histori suksesi, nuk do të ketë kthim mbrapa. Janë punësuar më shumë se 3 mijë infermierë përmes portalit. Pandemia, kjo ngjarje e pazakontë që njerëzimi përballet 1 herë në 100 vite na dha provë për t’i kthyer dinjitetit infermierëve.

Nuk janë pak, por plot 1 mijë e 335 infermierë, ku më shumë se 400 prej tyre të punësuar vetëm gjatë pandemisë, që iu bënë krah stafeve shëndetësore. Mbi 5 mijë mjekë e infermierë, laborantë e fizioterapistë përfitojnë bonus mbi pagën. Tregoi mbështetjen tonë të pakursyer për ata që kujdesen për jetën e shëndetin. Mirënjohja ime shkon për ata që shërbejnë sot, nga veriu në jug, mirënjohje për më shumë se 13 mijë infermierë.

Kjo është padyshim falë forcës, vullnetit e shërbimit të infermierëve, kanë punuar orar pa orar. 11 infermierë nuk e fituan dot betejën me COVID-19, janë humbje e madhe, por edhe forcë e madhe për të dalë nga kjo luftë. Teksa beteja vijon, janë sërish infermierët, ekipet tona të palodhura të vaksinatorëve që po çojnë përpara shpresën për të dalë nga tuneli i pandemisë. Kemi kryer më shumë se 630 mijë vaksinime. Jemi të vendosur për të zbatuar planin."

1 milion vaksinime brenda qershorit, ashtu sikur ju kemi mbështetur për ta çuar në nivel të ri sistemin tonë shëndetësor. Do e kujtojmë pandeminë si histori të së shkuarës, por që nuk na gjunjëzoi.’’- tha Manastirliu.

commentFirst article
Sot mund të lexoni Shfletoni kopertinat