Kreditë, bankat diferencojnë bizneset, sipërmarrjet e vogla e të mesme mbartin rrezik më të madh

Shqipëria

Kreditë, bankat diferencojnë bizneset, sipërmarrjet e vogla e të mesme mbartin rrezik më të madh

Më: 13 maj 2021 Në ora: 19:55
Ilustrim

Zgjatja e periudhës së pandemisë dhe efektet me të cilat ajo po shoqërohet në ekonomi kanë bërë që bankat të hezitojnë në financimin me kredi për bizneset e mesme dhe ato të vogla për shkak të rrezikut më të madh që ato mbartin.

Sipas raportit të Bankës së Shqipërisë, kreditimi për këtë kategori subjektesh në janar-mars ndonëse është rritur me 5% në krahasim me një vit më parë, rezulton me ritme më të ulëta se 5 vitet e fundit.

Nga ana tjetër, mbështetja e sektorit bankar gjatë tre mujorit të parë të vitit për sipërmarrjet e mëdha ka shënuar rritje me 11% krahasuar me një vit më parë.

Sektori i industrisë dhe ai i turizmit janë konsideruar më të besueshëm nga institucionet bankare pasi aty është përqëndruar pjesa më e madhe e kredive të dhëna.

Në ndryshim me bizneset, bankat kanë lehtësuar kushtet e huave për individët në tre mujorin e parë duke i përceptuar këta të fundit si një rrezik më i ulët.

Banka e Shqipërisë argumenton se në 2-3 mujorët e fundit interesi i qytetarëve për financim me qëllim blerjen e banesave është rritur.

Ndërsa kredia për konsum paraqitet disi më e dobët e ndikuar kjo nga reduktimi i konsumimit gjatë periudhës së izolimit social ashtu dhe nga pasiguritë e krijuar për vijimësinë e pandemisë dhe ndikimin e saj në aktivitetin ekonomik në të ardhmen.

Gjatë këtij tre mujori interesi për kreditë në euro ka shënuar rënien si për bizneset ashtu dhe për individët.

commentFirst article
Sot mund të lexoni Shfletoni kopertinat