S’iu bind urdhrit të policisë që të ndalonte, plagoset një person në Fier

Shqipëria

S’iu bind urdhrit të policisë që të ndalonte, plagoset një person në Fier

Më: 17 maj 2021 Në ora: 14:56
Foto ilustrim

Një 29-vjeçar është plagosur gjatë një operacioni policise në Fier, i cili s’iu bind urdhrit të policisë që të ndalonte.

I plagosuri nga policia në fshatin Gjorgoz quhet Greseld Shpataraku, 29 vjeç, banues në Patos. Ai mbante në dorë një kallash ndërsa ruante fidanët e kanabisit të mbjellë në kubikë.

Fier/Informacion paraprak

Në zbatim të planit të masave për kontrollin e territorit, me qëllim parandalimin e kultivimit të bimëve narkotike, grupi i kontrollit të territorit, i përbërë nga punonjës të Policisë të Komisariatit të Policisë Fier, gjatë kontrollit të territorit, në një zonë të pyllëzuar të fshatit Gjorgoz të Njësisë Administrative Cakran të bashkisë Fier, ka konstatuar një person që mbante në dorë një armë zjarri kallashnikov. Punonjësit e Policisë i kanë bërë thirrje personit që të hidhte armën dhe mos të lëvizte, por shtetasi ende i paidentifikuar nuk i është bindur urdhrit të Policisë dhe ka drejtuar armën e zjarrit nga punonjësit e Policisë, duke e mbushur atë me qëllim që të qëllonte në drejtim të tyre. Shërbimet e Policisë kanë ndërhyrë për ta neutralizuar dhe për pasojë shtetasi ka mbetur i plagosur, për momentin jashtë rrezikut për jetën. Nga këqyrja e vendit të ngjarjes rezultoi se në afërsi të vendit ku u konstatua shtetasi me armë kishte dhe fidanë cannabis sativa të kultivuar në kubikë.    Në cilësinë e provës materiale është sekuestruar edhe arma e zjarrit kallashnikov. Në drejtim të vendngjarjes ka shkuar grupi hetimor, i cili në bashkëpunim edhe me SHÇBA, nën drejtimin e Prokurorisë, vijon punën për zbardhjen e plotë të rrethanave të ngjarjes dhe identifikimin e personit.

commentFirst article
Sot mund të lexoni Shfletoni kopertinat