Kultivim kanabisi në Gjorgoz të Fierit, banori: Ndihemi të rrezikuar

Shqipëria

Kultivim kanabisi në Gjorgoz të Fierit, banori: Ndihemi të rrezikuar

Më: 17 maj 2021 Në ora: 15:55
Foto

Forca të shumta të policisë së rendit, repartit Shqiponja dhe FNSH ndodhen në vendin ku u gjet lënda narkotike e mbjellë në kubikë dhe ndodhi përplasja me armë e policisë dhe 29-vjeçarit nga Patosi, Greseld Shpataraku.

Uniformat blu po bëjnë krehjen e zonës, ndërsa në terren ndodhen krerët më të lartë të drejtorisë së Policisë së Fierit. Menjëherë pas ngjarjes, SHÇBA në bashkëpunim me prokurorinë e Fierit po kryejnë hetimin për grupin që zhvillonte kontrollin rutinë në territor, i cili zbuloi dhe lëndën narkotike të mbjellë në kubikë për të parë edhe dinamikën e ngjarjes.

29-vjeçari aktualisht ndodhet në reanimacionin e spitalit të Fierit nën kujdesin e mjekëve.

Në këtë zonë policia ka gjetur edhe më parë lëndë narkotike. Fshati Gjorgoz ka një shtrirje të madhe gjeografike, ndërkohë që shtëpitë ndodhen larg me njëra-tjetrën.

Për këtë arsye banorët thonë se ndihen të rrezikuar nga personat që kultivojnë bimë narkotike, të cilët në të gjitha rastet nuk janë banorë të zonës.

commentFirst article
Sot mund të lexoni Shfletoni kopertinat