Përfaqësuesi ligjor i Partisë Demokratike në KQZ, Ivi Kaso reagoi pas vendimit të KAS që rrëzoi kërkesën e PD për marrjen e informacioneve shtese nga institucionet dhe entet tjera publike për zgjedhjet në qarkun e Vlorës.
Sipas tij, refuzimi nga ana e KAS për të administruar prova që për PD janë indicie që në 25 prill të ketë pasur parregullsi, është shkelje e standartit zgjedhor.
“Sapo ka pëfunduar shqyrtimi i kërkeses tonë për pavlefshmëri në qarkun Vlorë e për të tretë radhazi ka refuzuar kërkesën për marrjen e provave që PD ka kërkuar.
Provat tona janë thelbësore për të provuar masakrën zgjedhore të 25 prillit se dëshmojnë sjellje të institucioneve shtetërore që ka qenë në kundërshtim me ligjin dhe shkleje flagrante me vendimmarrjet e KQZ, për të zbuluar dimensionin e plotë të asaj që ne e kemi quajtur masakër zgjedhore.
Për shkak të provave të tjera që po merren në këtë proces ditë pas dite po dëshmohen parregullsi e shkeklje që e kanë karakterizuar këtë proces.
Nevoja për administrimin e të gjitha provave sot është ulëritëse e heshtja e KAS për marrjen e tyre, refuzimi i vendosur i KAS është një shkelje e cdo standarti zgjedhor që shkon në drejtim të kundërt me interesin e qytetarëve shiptarë sot. Çdo veprim i KAS shkon në drejtim të kundërt me transparencën”.
Ivi Kaso paralajmëroi që PD “do vazhdojmë në rrugën tonë me kërkesat për të shpallur të pavlefshme zgjedhjet në zona të tjera zgjedhore, s’do rreshtim së bëri publike ato indicie që ne disponojmë por donim që KAS të administrojë cdo provë që ne sot si opozitë e kemi të pamundur ta kemi në dispozicion”.
Ndërsa nesër pritet që KAS të marrë vendim për kërkesat ankimore nga PD dhe LSI për shpalljen e pavlefshme të zgjedhjeve në qarkun e Beratit dhe rinumërimin e votave, Kaso tha:
“Ne kemi pritshmëri të ligjshme që KAS të bëjë atë që duhet të bëjë për rinumërim e rivlerësim të votave të caktuara në qarkun e Beratit, më pas është cështje vullneti të qytetarëve që gjendet në kutitë e votimit, nëse vullneti shkon në drejtim të njërit apo tjetrit subjekt politë s’kemi asnjë kundërshtim apo koment, por që vullneti i qyterarëve mos tjetërsohej. Do kemi nesër mundësi shpresojmë që të shohim si është vullneti i vërtetë i qytetarve, e kur sovrani të ketë folur askush s’do ketë të drejtë të komentojë”.
