Ministrja e Drejtësisë Etilda Gjonaj tha nga Kongresi i Partisë Socialiste se pas rikthimit tashme me çështjet si “Gërdeci” dhe “21 janari” do t’u shkohet deri në fund.
"Ne do të vazhdojëm të punojmë fort për të pasur në çdo hap një qeverisje miqësore. Do të kemi platforma efeciente për shërbim online për qytetarët. Çështje si “Gërdeci”, “21 janari” janë rikthyer. Besojmë se do u shkohet deri në fund. Miti i pa ndëshkueshmërisë janë duke marrë goditje të fortë. Për të bërë mentalitetin e ri të funksionim të sistemit të ri në Drejtësi.
Ky është vetë shteti ne do vijmë mbështetje aktive. Garanci e partnerëve BE dhe SHBA. Ëndrra jonë Europiane nuk kuptohet pa një drejtësi Europiane”, tha Gjonaj.
Në lidhje me “Gërdecin” Prokuroria e Posaçme ka rihapur hetimet ndaj ish-ministrit të Mbrojtjes, Fatmir Mediu, ndërsa sa i takon “21 janarit”, Partia Socialiste përsërit se ajo nuk mund të mbyllet përsa kohë për dy të vrarë nuk dihet ende autorësia.
