Një aksident ka ndodhur mbrëmjen e kaluar rreth orës 22:00 në qytetin e Durrësit.
Një 46-vjeçar, i cili ishte në gjendje të dehur, nuk ka arritur të kontrollojë automjetin që po drejtonte dhe u përplas me dy makina të parkuara.
Në pamje duket se si makina tip “Ford” është kthyer përmbys në lagjen nr.12 në Durrës.
Ambulanca dhe zjarrfikësja mbërritën me urgjencë në vendin e ngjarjes dhe bënë të mundur nxjerrjen e personave. Fatmirësisht nuk pati asnjë të lënduar, por vetëm dëme materiale në makina.
