Basha: Përballje me të gjitha format dhe mjetet

Shqipëria

Basha: Përballje me të gjitha format dhe mjetet

Më: 18 qershor 2021 Në ora: 12:43
Lulzim Basha

Partia Demokratike ka mbledhur kryesinë paraditen e sotme.

Duke mbajtur fjalën në këtë mbledhje, kreu i rizgjedhur i PD-së, Lulzim Basha është shprehur se votimet në parti treguan se anëtarët janë të vendosur që të vazhdojnë betejën për demokraci.

‘Është e domosdoshme që të gjithë ne, nga Kryesia te Këshilli kombëtar, të lexojmë̈ qartë atë̈ që ishte vullneti i demokratëve.

Ata e dinë më mirë se ne se çfarë ka ndodhur në 25 prill, ata e dinë më mirë se ne se sa e vështirë është përballja me regjimin, ndaj çdo hap që do të bëjmë deri në përfundimin e analizës dhe mbledhjen e Kuvendit Kombëtar, duhet të kemi parasysh që demokratët na kërkuan vazhdimin e betejës.

Dhe për të arritur këtë, detyra jonë është të përgatitemi me të gjitha format dhe mjetet për këtë përballje.

Një përballje që kërkon që Partia Demokratike të jetë e gatshme për ta kryer detyrën e saj ndaj regjimit një orë e më parë, sepse Shqipëria, shqiptarët dhe demokratët nuk mund të presin deri në 2025’, është shprehur Basha gjatë fjalës së tij.  

Shfaq komentet
comments powered by Disqus
Sot mund të lexoni Shfletoni kopertinat