Një 22-vjeçar është arrestuar nga policia për armëmbajtje pa leje.
Gjithashtu uniformat blu njoftojnë se gjatë kontrollit të ushtruar në banesën e 22-vjeçari R.L është sekuestruar edhe një krëhër me tre fishekë.
Ndërkohë i riu rezulton të jetë i dënuar më parë për armëmbajtje pa leje.
Sakaq materialet në ngarkim të tij i kaluan Prokurorisë të Rrethit Gjyqësor Korçë, për veprime të mëtejshme.
Korçë/ Informacion- Goditet një rast i armëmbajtjes pa leje.
Posedonte armë zjarri në banesën e tij, vihet në pranga 22-vjeçari.
Sekuestrohet një armë zjarri pistoletë dhe municion luftarak.
Drejtoria Vendore e Policisë Korçë dhe strukturat në vartësi të saj, në vijim të punës për goditjen e veprimtarisë kriminale të armëmbajtjes pa leje, kontrolleve të shtuara për rritjen e parametrave të sigurisë, si edhe në bazë të informacioneve të siguruara në rrugë policore se një shtetas posedonte armë zjarri pa leje, organizuan shërbimet, lokalizuan personin dhe ushtruan kontoll në banesën e tij, ku gjetën një armë zjarri tip pistoletë dhe një krëhër me tre fishekë të cilat u sekuestruan në cilësinë e provës materiale.
Në përfundim të veprimeve, specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit R. L., 22 vjeç, banues në Korçë (i dënuar më parë për armëmbajtje pa leje).
Materialet në ngarkim të tij i kaluan Prokurorisë të Rrethit Gjyqësor Korçë, për veprime të mëtejshme.
