Hyn në fuqi vendimi i Këshillit të Ministrave, tekste falas për arsimin bazë

Shqipëria

Hyn në fuqi vendimi i Këshillit të Ministrave, tekste falas për arsimin bazë

Më: 31 korrik 2021 Në ora: 17:11
Foto ilustrim

Në vitin e ri shkollor do të përfitojnë librat falas edhe nxënësit e klasës së 8 dhe 9. Vendimi i marrë nga qeveria lehtëson buxhetin e familjeve.

Nxënësit nga klasa e parë deri në të nëntën do të përfitojnë libra në përdorim falas. 

Vendimi është marre në mbledhjen e fundit të Këshillit të Ministrave. 

Ashtu si vitet e kaluara vetëm nxënësit e klasave të para do të kenë libra të rinj, ndërsa nxënësit e klasave të tjera do të mësojnë me të përdorur të cilat duhet ti kthejnë në përfundim të vitit shkollor.

Nxënësit e gjimnazeve do të duhet ti blejnë vetë tekstet shkollore, përveç atyre që i përkasin këtyre kategorive: Fëmijët me statusin e jetimit, ata që vijnë nga familje me ndihmë ekonomike, ata me aftësi të kufizuar apo kanë në përbërje të familjes së tyre anëtarë me këtë status.

Pika turistike e Viroit në Gjirokastër humbet turistët për shkak të thatësirës së liqenit

Përfshihet nga flakët fshati Xhyherinë, digjen pemë e ullinj, dyshohet për zjarrvënie të qëllimshme

 Fëmijët nga komuniteti rom dhe egjiptian gjithashtu janë të përfshirë në listën e përfituesve.

Shpërndarja e librave do të bëhet në ambientet e shkollave, ndërsa më parë përmes komisioneve të vlerësimit është bërë edhe llogaritja e teksteve që kanë dalë jashtë përdorimit.

 Për këtë sasi duhet të bëhe zëvendësimi me tekste të reja.

Kategoritë përfituese të librave falas:

i. Kanë përfituar statusin e jetimit

ii. Vijnë nga familje të cilat trajtohen me ndihmë ekonomike

iii. Janë me aftësi të kufizuara

iv. Vijnë nga familje që kanë në përbërjen e tyre anëtarë me aftësi të kufizuara

v. Vijnë nga familje ku kryefamiljari përfiton pension invaliditeti shteti

vi. Vijnë nga familje ku kryefamiljari përfiton pension pleqërie shteti

vii. I përkasin kategorisë rome dhe egjiptiane

viii. Gëzojnë statusin e të verbrit

ix. Janë viktima të trafikimit

xi. Janë në institucionet e paraburgimit/vuajtjes së dënimit

xii. Janë të shtruar në Shërbimin Onkologjik, në Qendrën Spitalore Universitare “Nënë Tereza”

xiii. Janë fëmijë të punonjësve të Policisë së Shtetit  të cilët kanë humbur jetën në krye dhe për shkak të detyrës

xiv. Janë përfitues në institucionet e përkujdesjes sociale rezidenciale publike

Shfaq komentet
comments powered by Disqus
Sot mund të lexoni Shfletoni kopertinat