Flakët vazhdojnë edhe sot në fshatin Gjorgoz pasi është hapur edhe një vatër e re zjarri.
Dhjetra hektarë pyll me pisha janë shkrumbuar ndërkohë sipërfaqe të tëra më pisha vazhdojnë të jenë nën flakë.
Për shuarjen e flakëve është kërkuar ose ndërhyrja e helikopterit ose e forcave të ushtrisë.
Shërbimi zjarrëfikës i Fierit vazhdon të jetë në terren duke punuar për neutralizimin e flakëve.
Zjarri ka nisur që prej mëngjesit të së shtunës dhe i ndihmuar nga era është përhapur. Terreni i thyer dhe era kanë vështirësuar fikjen.
Gjatë kesaj periudhe vere zona e Gjorgozit është përfshirë disa herë nga zjarri duke djegur shumë ha pyje dhe ullishte.
Zjarrvënësi i Durrësit
Ndërkohë në Durrës është arrestuar në flagrancë një 49-vjeçar pasi akuzohet për zjarrvënie të qëllimshme.
Ky shtetas ditën e djeshme në lagjen nr.15, Durrës, i ka vënë zjarrin një sipërfaqe toke, ku është djegur rreth 4.000 m² me bimësi të egër kallamishte, informoi policia e Durrësit.
