Temperaturat e larta, lirimi i masave anti-covid dhe fluksi i emigrantëve, kanë shtuar ndjeshëm numrin e fëmijëve të sëmurë me virozat e stinës.
Në spitalin pediatrik të Fierit çdo ditë vijnë për të marrë ndihmë mjekësore më shumë se 150 fëmijë në 24 orë. Sipas mjekëve pediatër, ky numër është 5 herë më i lartë se e njëjta periudhë e një viti më parë.
Rreth 30 fëmijë merrnin ndihmë mjekësore, pasi siç dihet ishin në fuqi masat kufizuese për shkak të pandemisë.
Sipas mjekes pediatre, Anila Mukaj pjesa më e madhe marrin mjekim në repartin e urgjencës dhe vetëm 20 prej tyre shtrohen në spital.
Mjekët bëjnë apel për kujdes në higjienën e fëmijëve, ekspozimi sa më pak në orët e pikut, konsumin të lëngjeve dhe ushqime të freskëta.
