Ligjet per lojërat e fatit mbyllën qepenat e pikave të basteve por nuk e kanë ndalur aktivitetin. Kumari dhe lojërat e tjera të fatit kanë lulëzuar online dhe njerëzit e varur prej tyre e kanë më afër e kurrë, në telefon.
Gazetaren Rudina Muça ka marrë dëshminë e një përdoruesi të tyre.
DENONCUESI: Unë jam një djalë që jetoj në Tiranë. Sa kohë kam që luaj bixhoz? Besoj 15 vite, si fillim luaja në kazino me shumë të vogla, pastaj loto e më pas të gjitha llojet e bixhozit ose të lojërave të fatit.
GAZETARJA: Ke qenë 15 vjec kur ke nis të luash, paratë ku i gjeje?
DENONCUESI: Familjarisht kemi qenë shumë mirë nga gjendja ekonomike, nuk e kam pas problem të siguroja para.
GAZETARJA: Cila ka qenë shumë më e madhe që ke humbur?
DENONCUESI: Brenda një ditë 5 mln lekë të vjetra. është adrenalinë shumë e madhe, shumë emocionuese. Hera-herës te tërheq aq shumë sa ke dëshirë mos të dalësh fare nga loja. Do të rrish e të luash, të luash.
GAZETARJA: Je i vetëdijshëm që aty humb para nuk fiton?
DENONCUESI: Cdo njeri është i vetëdijshëm që humb, por ta thashë ne nuk luajmë për të fituar, por për adrenalinë.
GAZETARJA: Tani kazinotë dhe lojërat e fatit janë mbyllur.
DENONCUESI: Janë mbyllur vetëm qepenat, por aktiviteti vazhdon.
GAZETARJA: Si?
DENONCUESI: Si?! Faktikisht është më mirë tani pasi luan rehat nga telefoni.
GAZETARJA: Luan çdo ditë?
DENONCUESI: Po çdo ditë. efekt Ky është website dhe kemi të gjitha sportet këtu. Ndeshjet e futbollit live, të qenve dhe kazinotë. Çdo lojë fati që një kazino kishte në 2000 metra katrorë këtu në telefon e ke të përmbledhur në 20 cm.
GAZETARJA: Tani mund të luash?
DENONCUESI: Po, por momentalisht jam pa kredit pasi i lash të gjitha lekët dje.
GAZETARJA: Ndonjë ditë a do të heqësh dorë?
DENONCUESI: E mendoj shumë herë, por e kam të pamundur. reflektoj kur jam vetëm, por shumë e vështirë.
