Nëna e sulmuar fizikisht, Metaj: Ish-bashkëshorti më godiste në sy të...

Shqipëria

Nëna e sulmuar fizikisht, Metaj: Ish-bashkëshorti më godiste në sy të...

Më: 16 shtator 2021 Në ora: 11:18
Adiola Metaj

Adiola Metaj, një grua e cila ka përjetuar vetë dhunën në familje solli në emisionin “Now” një dëshmi të fortë.

Nëna e dy fëmijëve, 8 dhe 4 vjeç thotë se ish-bashkëshorti sulmonte fizikisht në sy të dy djemve të mitur.

“Isha një grua e sulmuar. Para një viti kam bërë divorcin. Nuk e pranoi dhe ka përfunduar çdo gjë në polici. 10-vjet dhunë psikologjike dhe më dhunonte në sytë e dy djemve të mi. Fëmija është qenia më e pafajshme dhe nuk duhet të përjetojnë skena të tilla”, tha Metaj.

Ajo tregoi se shkak e dhunës ishte mendësia partiarkale e ish-bashkëshortit dhe shton se edhe vetë ai një ditë do ta falënderoj për divorcin.

Momentin kur vendosi që t’i jepte fund martesës thotë se ka qenë kur ish-bashkëshorti e ka dhunuar në sy të djalit të madh.

“Mbaj mend një skenë ka qenë duke qenë se jam me profesion mësuese, i kisha bërë djalit të madh disa teste dhe kur shikonte që unë rrihesha barbarisht në sytë e tij, nuk ndjeja dhimbje fizike por më dhimbje shikimi i tij që i dilnin lotët dhe nuk dinte se çfarë të bënte. Aty arrita fundit dhe vendosa t’i jap fund”, tregoi ajo.

E rritur jetime, ajo thotë se vendosi t’ia lërë kujdestarinë e dy fëmijëve burrit nisur edhe nga pamundësia ekonomike. 

commentFirst article
Sot mund të lexoni Shfletoni kopertinat