Pasi morën “bekimin” e Metës, Rama dhe ministrat në këmbë drejt kryeministrisë

Shqipëria

Pasi morën “bekimin” e Metës, Rama dhe ministrat në këmbë drejt kryeministrisë

Më: 18 shtator 2021 Në ora: 08:18
Qeveria Rama 3

(E plotësuar 10-24) - Me “betimin” në duar, Rama dhe ministrat ecin në këmbë nga presidenca drejt kryeministrisë.

Kreu i qeverisë pak pas betimit të tij dhe kabinetit qeveritar te presidenti Ilir Meta do të mbajë mbledhjen e parë të qeverisë.

Betimi i qeverisë së re, Rama shkon te Meta në Presidencë 

Ka mbërritur në Presidencë kryeministri Edi Rama, ku do të kryhet ceremonia e betimit e qeverisë “Rama 3”.

Ai është parë teksa është pritur nga Drejtori i Kabinetit në Presidencë Edmond Panariti.

Ceremonia mbahet në orën 10:00, sikurse është njoftuar. Ceremonia e betimit do të zhvillohet pa praninë e mediave. Pas betimit kabineti i ri qeveritar do të nisë zyrtarisht detyrën.

Tek presidenti Meta do betohen 4 ministra dhe 12 ministre. E pranishme në këtë ceremoni është edhe kryetarja e Kuvendit Lindita Nikolla.

Qeveria “Rama 3” u miratua me 77 vota pro në Kuvend mëngjesin e djeshëm, pas një seance maratonë diskutimesh, ku u prezantua programi i ri qeverisës për katër vitet e ardhshme.

Betimi i Ramës dhe ministrave/Meta mbërrin në Presidencë

Pak minuta para betimit të Edi Ramës si kryeministër dhe ministrave të kabinetit, Ilir Meta ka mbërritur në Presidencë. Rama dhe ministrat do të betohen sot në orën 10:00 te Meta të cilin e shkarkuan vetëm pak muaj më parë.

Qeveria “Rama 3” u miratua me 77 vota pro në Kuvend mëngjesin e djeshëm, pas një seance maratonë diskutimesh, ku u prezantua programi i ri qeverisës për katër vitet e ardhshme.

Qeveria e re, kryeministri Rama dhe ministrat betohen sot te Meta

Kryeministri Edi Rama dhe ministrat e kabinetit të ri do të betohen sot në orën 10:00 te Presidenti Meta, për të nisur punën për mandatin e tretë qeverisës.

I gjithë kabineti i ri qeverisës pritet të mbërrijë si një grup i vetëm duke ecur nga kryeministria në drejtim të presidencës, ndërsa pas ceremonisë së betimit, në Presidencë do të organizohet edhe një kokteil.

Menjëherë pas betimit te qeverisë së re tek Presidenti i Republikës dhe përfundimit të procedurave të parashikuara në Kushtetutë për fillimin e qeverisjes, Këshilli i ri i Ministrave pritet të marrë edhe vendimet e para.

Qeveria “Rama 3” u miratua me 77 vota pro në Kuvend mëngjesin e djeshëm, pas një seance maratonë diskutimesh, ku u prezantua programi i ri qeverisës për katër vitet e ardhshme.

5 shtyllat kryesore të programit të PS janë: 1. Rimëkëmbje e ekonomisë nga tërmeti dhe pandemia; 2. Mirëqenie për të gjithë, që do të përkthehet në një ekonomi të zhvilluar që  krijon shanse për të gjithë. 3. Modernizim për zhvillim të ekonomisë prodhuese, turizmit, energjisë,  bujqësisë, ekonomisë digjitale, transporteve dhe shërbimeve; 4. Familja si themeli ku ndërtojmë të ardhmen; 5. Shqipëri e fortë, me shtet të fortë, vëmendje për çdo Shqiptar dhe me dinjitet në botë.

Partia Socialiste nën drejtimin e Edi Ramës është futur në historinë e Shqipërisë, duke marrë një mandat të tretë radhazi, e duke u bërë kështu partia e parë që ka arritur ta sigurojë këtë rezultat në historikun e zgjedhjeve në vend. Socialistët kanë arritur që të marrin 74 mandate, të mjaftueshme për të qeverisur e vetme, pa pasur nevojën e një koalicioni, e ndërsa PD 59 mandate, kurse LSI vetëm 4 të tilla.

Emrat e ministrave të qeverisë ‘Rama 3’

Kryeministër – Edi Rama

Zëvendëskryeministër (do mbikëqyrë edhe rindërtimin) – Arben Ahmetaj

Ministre për Europën dhe Punëte Jashtme – Olta Xhacka

Ministër i Mbrojtjes – Niko Peleshi

Ministër i Drejtësisë – Ulsi Manja

Ministër i Punëve tëBrendshme – Bledi Çuçi

Ministre e Financave dhe Ekonomisë – Delina Ibrahimi

Ministre e Infrastrukturës dhe Energjisë-  Belinda Balluku

Ministre e Shëndetësisë dhe Mirëqenies Sociale – Ogerta Manastirliu

Ministre e Arsimit dhe Sportit – Evis Kushi

Ministre e Bujqësisë dhe Zhvillimit Rural- Frida Krifca

Ministre e Kulturës   Elva Margariti

Ministre e Mjedisit dhe Turizmit, – Mirela Kumbaro

4 ministra shteti

Elisa Spiropali për Marrëdhëniet me Parlamentin

Edona Bilalli ministre shteti për Mbrojtjen e Sipërmarrjes

Bora Muzhaqi ministre Shteti për Rininë dhe Fëmijët

Milva Ekonomi, ministre Shteti për Standardet e Shërbimeve.

commentFirst article
Sot mund të lexoni Shfletoni kopertinat