Dramë tek Infektivi: Kam 2 net që fle në kangjella, asnjë informacion për burrin me Covid-19

Shqipëria

Dramë tek Infektivi: Kam 2 net që fle në kangjella, asnjë informacion për burrin me Covid-19

Më: 27 shtator 2021 Në ora: 06:41
E moshuara fle jashtë pavarësisht se temperaturat kanë nisur të bien gjatë natës

Mbi 200 qytetarë të infektuar me koronavirus ndodhen të shtruar në spitalet Covid 1 dhe Covid 3 ku po marrin trajtimin e nevojshëm me shpresën e kapërcimit të kësaj sëmundjeje, e cila po shkakton viktima çdo ditë. Siç njofton vetë Ministria e Shëndetësisë, disa prej pacientëve ndodhen në gjendje të rënduar.

Ashtu si çdo ditë, familjarët e pacientëve qarkojnë Spitalin Infektiv në QSUT në pritje të lajmeve për të dashurit e tyre që ndodhen të shtruar aty. 

Prej 3 ditësh kjo e moshuar nuk merr asnjë informacion për bashkëshortin e saj.  68-vjeçari u soll në Infektiv me kod të kuq nga spitali i Gramshit për shkak të gjendjes së rënduar shëndetësore.

Ka 2 netë që e moshuara fle jashtë pavarësisht se temperaturat kanë nisur të bien gjatë natës dhe detyrohet të prese mëngjesin siç thotë ajo vetë, me kokën mbështetur tek kangjellat.

Aktualisht në Shqipëri ka rreth 12 mijë raste aktive me Covid-19. Qarku më i prekur mbetet Tirana, e cila ndiqet nga Fieri, Durrësi e Shkodra.

commentFirst article
Sot mund të lexoni Shfletoni kopertinat