Nikolla pret Ambasadorin e Turqisë/ Murat Ahmet Yörük: Parlamentet, nxitës të bashkëpunimit e partneritetit strategjik me Turqinë

Shqipëria

Nikolla pret Ambasadorin e Turqisë/ Murat Ahmet Yörük: Parlamentet, nxitës të bashkëpunimit e partneritetit strategjik me Turqinë

Më: 28 shtator 2021 Në ora: 14:55
Foto nga takimi

Kryetarja e Kuvendit, Lindita Nikolla, priti sot Ambasadorin e Turqisë, Murat Ahmet Yörük.

Ambasadori Yörük i shprehu Nikolles përgëzimet për zgjedhjen në detyrën e lartë dhe shprehu bindjen dhe vullnetin për forcimin e partneritetit strategjik dhe bashkëpunimit të gjithanshëm midis të dy vendeve. Ambasadori i përcolli Kryetares së Kuvendit ftesën e Kryetarit të Asamblesë së Madhe Kombëtare të Turqisë, Mustafa Sentop, për një vizitë zyrtare në Turqi.

Kryetarja e Kuvendit, Lindita Nikolla, e falenderoi Ambasadorin Yörük për ndihmën e pakursyer të Turqisë për përballimin e pasojave të tërmetit dhe të pandemisë së Covid-19. “Turqia është një partner strategjik i Shqipërisë dhe Kuvendi do të punojë për të nxitur bashkëpunimin e gjithanshëm midis të dy vendeve në të gjitha aspektet.  Bashkëpunimi i shkëlqyer parlamentar do të rritet e zgjerohet, si një shembull i bashkëpunimit midis institucioneve të të dy vendeve”, nënvizoi Nikolla.

Kryetarja e Kuvendit, e pranoi me kënaqësi ftesën e Kryetarit Mustafa Sentop dhe vizita  zyrtare në Turqi do të realizohet së shpejti.

commentFirst article
Sot mund të lexoni Shfletoni kopertinat