Qyno: Aldi Rama u gjet nga sinjali i telefonit, nuk u është përgjigjur asnjë telefonate prej 5 orësh

Shqipëria

Qyno: Aldi Rama u gjet nga sinjali i telefonit, nuk u është përgjigjur asnjë telefonate prej 5 orësh

Më: 28 shtator 2021 Në ora: 21:43
Elton Qyno

Gazetari Elton Qyno ka treguar se vendodhja e Aldi Ramës është gjetur nga sinjali i telefonit.

Sipas gazetarit, Ramës i kanë ardhur shumë thirrje nga familjarët apo shoqëria e tij për ta pyetur se si është apo për ta këshilluar, por ai nuk u është përgjigjur.

Këtu filluan dyshimet se ai ose ka kryer vetëvrasje ose telefoni i ka rënë në moçal.

“Vetë autori i krimit e ka qëlluar dy herë, ai e ka identifikuar e ka qëlluar një herë dhe më pas kur doli nga makina, dy shokët e tij kanë bërë lëvizje të çorientuara, për shkak të veprimit. Dy efektivët janë përgjigjur. Ai ka marrë sërish makinën dhe është larguar. Diku tek 8 herë kanë qëlluar efektivët. Armando Marku dhe Kristian Sherri policia e kuptoi se është nën presionin mediatik, i duhen dy persona të arrestuar. Ne nuk e dinim thonin ata, këtë alibi patën, nuk e dinim se çfarë do të kishte në trup. Kështu bie ‘mea culpa’ e policisë që ja i kemi arrestuar këta. Ai më pas largohet 1 km dhe braktis makinën dhe më pas hyn në zonën moçalore .

Është një terren që nuk mund ta përshkosh aq shpejt, kemi në terren moçali, ranor, ai është identifikuar nga telefoni. Është dërguar numri tek qendra në Tiranë. Ai ka pasur shumë telefonata hyrëse dhe nuk u është përgjigjur. E kanë marrë njerëzit e familjes, shoqëria për ta orientuar se çfarë ka bërë. Në momentin që nuk ka hapur asnjë telefonatë, në këtë moment ka dyshuar se telefoni i ka rënë në moçal ose ka bërë vetëvrasje. Ai nuk u është përgjigjur asnjë thirrje telefonike.

Ai është gjetur me dorën shumë pranë dhe me telefonin aty pranë. Dinamika se si janë gjetur sendet e tij, por dhe mënyra e plagës nga e djathtë në të majtë të bëjnë të dyshosh se është vetëvrasje. Në dijeninë time nuk ka qëlluar helikopterin, pasi do të dilnin gëzhojat. Mund të ketë pasur edhe krisma nga policia. Mua nuk më rezulton që ka pasur shkëmbim zjarri. Gjithë forcat RENEA ishin në këtë vilë”, tha Qyno.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat