Nënkryetari i Partisë Demokratike, njëherësh dhe kreu i grupit parlamentar të kësaj partie Alfred Rushaj ka komentuar vendimin e një ditë më parë të kreut të PD-së Lulzim Basha për shkarkimin e Flamur Nokës si nënkryetar i Komisionit të Sigurisë dhe paralajmërimin e tij për përjashtim nga grupi.
Në një prononcim për gazetarët pas mbledhjes së Konferencës së Kryetarëve, Rushaj tha se vendimi i Bashës është në përputhje me kompetencën që kryetari ka.
Rushaj: Vendimi që mori Basha është një vendim që është marrë në përputhje me kompetencën që kryetari ka.
Sidoqoftë është një vendim i brendshëm i PD dhe padyshim do të respektohet çdo procedurë që është e nevojshme të respektohet për atë gjë.
