Pas shkresës së dërguar nga ana e zv/kryeministres Ledina Mandija në drejtim të Ministrit të Transportit dhe Infrastrukturës Sokol Dervishaj në lidhje me disa punësime në Drejtorinë e Përgjithshme të Hekurudhave në Durrës, ka reaguar vetë ministri.
Përmes një njoftim për mediat, Dervishaj bën me dije se në lidhje me këtë pretendim të zv/kryeministres, ka ngritur Grupin e Punës me qëllim verifikimin dhe marrjen e masave përkatëse, në varësi të shkeljeve që do të konstatohen.
Ministri Dervishaj, sqaron se do të denojë çdo rast që do të rezultojë të jetë në kundërshtim me parashikimet e Vkm 473 datë 01.06.2017, ndaj fton të gjithë punonjësit e Institucioneve qëndrore apo të varesisë, të denoncojnë çdo rast presioni apo ushtrim ndikimi të paligjshem të pushtetit, pranë Organeve kompetente.