Astrit Patozi për drekën e ministrave: Mund të jetë hera e fundit që janë jo të kollarisur

Shqipëria

Astrit Patozi për drekën e ministrave: Mund të jetë hera e fundit që janë jo të kollarisur

Nga: A.M. Më: 6 shtator 2017 Në ora: 16:52
Deputeti i Partisë Demokratik, Astrit Patozi

Deputeti i Partisë Demokratik , Astrit Patozi ka shkruar për mbledhjen nga kryeministri Edi Rama me ministrat e tij.

Në këtë postim, Patozi e ka shoqëruar me një fotografi të bërë në darken e thirrur nga Rama në mbishkrim ka shkruar se mbajini mend mirë këto pamje, se mund të jetë hera e fundit që i shikoni ato burra dhe gra si ministra.

Postimi i plotë:

MUND TË JETË HERA E FUNDIT

E bën mirë që i mbledh ministrat e padekretuar ende, qoftë edhe në takime informale, sepse besohet që çdo konsultim apo debat është më mirë se sa t’i dish dhe t’i bësh të gjitha vetë.

Por që i nxjerr në TV dhe prodhon kaq shumë lajme dhe thashetheme për to, kjo nuk shpjegohet dot me logjikë normale.

Sepse të gjithë e dinë se kur qeveria të votëbesohet, nuk do të ketë më, as lajme dhe, as njoftime, si për mbledhjet, ashtu edhe për vendimet e saj.

Por gjithcka do të rrotullohet dhe qendërzohet rreth asaj që do të thotë dhe më pas do të ekzekutojë “timonieri” i vetëm i Republikës së Re. Marrëveshja e 18 majit ia bëri edhe këtë të mirë Shqipërisë. I shtoi ndriçimin dhe frymëzimin udhëheqësit.

Ky është rasti i vetëm në botë, kur seancave stërvitore të një skuadre i jepet më shumë rëndësi se sa ndeshjes.

Ndaj mbajini mend mirë këto pamje, se mund të jetë hera e fundit që i shikoni ato burra dhe gra si ministra, pavarësisht se me veshje jozyrtare, duke hyrë e dalë, jo nga zyrat e shtetit, por prej hoteleve turistike.

Që prej të hënës ata mund të kthehen të gjithë në identitet, si figurantë të një qeverisje tërësisht personale.

Image
Foto nga darka
Sot mund të lexoni Shfletoni kopertinat