Ish-kryeministri Sali Berisha ka treguar motivet e sherrit mes policëve në komisariatin e Lezhës.
Duke publikuar mesazhin e një qytetari, Berisha thotë se polici I qarkullimit rrugor është rrahur ditën e sotme pasi nuk përshëndeti kryeministrit Edi Rama, i cili kishte kaluar me eskortën e tij për Lezhë.
Reagimi i Berishës
Ne Narko-republiken e Shqiperise rrihet polici ne komisariat se nuk pershendeti Noriegen!
Lexoni mesazhin e oficerit dixhital. sb
“zoti sali berisha,,pak me pare ne rajonin e policis se lezhes dy polic qelluan njeri tjetrin..polici i rugores e qelloj me grusht pasi ishte tu bertit ne koridor pse polici tjeter nuk e rrespektoj edi legenin qe kaloj me makin me perpara ti ngrente doren,per kete filloj nje grusht qe vetem ne qeverin e krimit kam pare sa jam polic prej 5 vitesh,ju falenderoj ,,anonim se te heqin direkt nga puna”
Ngjarja sipas Policisë
Një sherr mes dy punonjësve të policisë ka ndodhur ditën e sotme në Komisariatin e Lezhës.
Lajmin në fjalë e ka bërë me dije, policia e Lezhës, e cila ka sqaruar se konflikt ka ndodhur brenda ambienteve të komisariatit.
Siç bëhet e ditur në njoftim, sherri ka nisur mes N.Sh, me detyrë oficer i patrullës së Përgjithshme, i cili ka goditur me grushte Punonjësin e Patrullës së Përgjithshme M.M.
Por, nuk ka përfunduar me kaq, pasi edhe M.M i është kundërpërgjigjur me grushte ndaj kolegut të tij me iniciale N.SH.
Ka qenë ndërhyrja e pranishmëve, që kanë bërë të mundur shuarjen e sherrit, ndërsa mësohet se dy punonjësit e policisë në fjalë janë pezulluar nga detyra.
“Më datë 13.01.2018, u referuan materialet në Prokurorinë e Rrethit Gjyqësor Lezhë, për shtetasit N. Sh e M.M., pasi shtetasi N.Sh. me detyrë oficer i patrullës së Përgjithshme, në ambientet e Komisariatit të Policisë Lezhë ka goditur me grushte Punonjësin e Patrullës së Përgjithshme M.M. ku dhe ky i fundit është kundërpërgjigjur.
Në lidhje me këtë ngjarje të dy punonjësit e Policisë janë pezulluar nga detyra dhe ndaj tyre ka filluar ecuria disiplinore për përdorim të paligjshëm dhe i paarsyeshëm i forcës.”, -thuhet në njoftimin e policisë.
