Deputetja e PS-së në qarkun e Fierit Antoneta Dhima ka reaguar për vrasjen e 21-vjeçares Ariela Murataj ditën e djeshme.
Përmes një statusi në profilin e saj në ‘Facebook’, Dhima thotë se nga qielli ajo do të na mësojë se nuk ka mision më të rëndësishëm se jeta e fëmijëve tanë
“Përcollëm sot në qiell bashkë me Arielën një pjesë të vetes sonë: dashurinë pa fund, sakrificat sublime, shpresën dhe dëshirën e madhe të çdo prindi që fëmijët të jenë si Ariela, po kurrë këtë fat të kobshëm.
Nga qielli do na mësosh, se nuk ka mision më të rëndësishëm se jeta e fëmijëve tanë!
U prefsh në paqe, Ëngjëll!”, -shprehet ajo.
21-vjeçarja u qëllua ditën e djeshme me një plumb në kokë nga Aldison Belulaj, pasi e reja nuk kishte pranuar të lidhej më të.
Pasi ka qëlluar për vdekje Arielën, ai ka kthyer armën nga vetja duke u qëlluar në kokë, ku ndodhet në spital në gjendje të rëndë.