“Ajo as bukën nuk e hante pa ne”, rrëfimi i 6 fëmijëve për nënën e vrarë nga babai

Shqipëria

“Ajo as bukën nuk e hante pa ne”, rrëfimi i 6 fëmijëve për nënën e vrarë nga babai

Më: 15 qershor 2018 Në ora: 10:01
Pamje nga video

Adriana Shaholli është nëna e 6 fëmijëve që u vra nga bashkëshorti i saj pak ditë më parë në Durrës.

“Fundjava Ndryshe” teksa dorëzon ndihma për fëmijët jetimë të familje sjell edhe mjerimin që ka pllakosur në këtë shtëpi.

“Gjithçka është krejt ndryshe nga më përpara. Mungon kreu i shtëpisë. Mungon mamaja jonë. Tani jam unë e vëllai që do mbajmë 4 më të vegjlit. Duam ndihmë t’ia dalim mbanë. Dua të ndjek rrugën e asaj, rrugën e mamit. Ajo ka vuajtur jashtë mase. Ajo na la, vdiq vetëm për ne.

Ka qenë bota për ne. Edhe bukën qe e hante na priste ne, nuk e hante pa ne. Ka qenë mbështetja jonë më e madhe. Më mungon jashtë mase, ishte motra ime, bota ime, atje hapesha për gjithçka. Kisha shumë ëndrra, të punoja, të dilja jashtë, të sillja të ardhura, por tani ëndrra ime më e madhe është që motrat dhe vëllai të ecim përpara, tja dalin mbanë, për vete, gjithçka më duket e kot.

Unë, vëllai dhe motra e dytë jemi në punë, tani detyrohemi akoma më shumë të mbajmë katër fëmijë, duhet të kem më shumë forcë tani që jam kreu i shtëpisë bashkë me vëllanë, duam ndihmë, sa të rregullohemi, se pastaj, do jemi të fortë, do punojmë”, shprehet vajza më e madhe e shtëpisë.

Por ndërsa babai vrasës është në burg, barra e shtëpisë i bie djalit të familjes.

 “Unë punoja, babai ishte pijanec, nuk bënte asgjë, bërtiste, motrave, mamasë, nuk merrte mundimin për të bërë as gjënë më të vogël. Punonte nëna dhe ne…

Na ndihmoni për të ndërtuar shtëpinë, si e shikoni është në gjendje të mjerueshme”, tregon ai.

commentFirst article
Sot mund të lexoni Shfletoni kopertinat