Për herë të parë fëmijët nën përkujdesje sociale, kanë shijuar pushimet në plazh si të gjithë bashkëmoshatarët e tyre.
Në një video që kryeministri Edi Rama ka shpërndarë në rrjetin social Facebook, shfaqen fëmijët e Shtëpisë së Fëmijës “Zyber Hallulli” në Tiranë.
Nga mosha 6 deri në 16 vjeç, të cilët nën kujdesin e personave përgjegjës të qendrës, kanë mundur të pushojnë në plazh. Lojëra të shumta dhe aktivitete sociale janë zhvilluar për të sjellë sadopak argëtim për ta.
“Me këtë risi të sezonit turistik në të mirë të fëmijëve nën përkujdesje sociale, ju uroj një ditë të bukur”, shkruan kreu i qeverisë në Facebook.