“Seven Seas Voyager”, mbërrin në Durrës anija me 715 turistë

Shqipëria

“Seven Seas Voyager”, mbërrin në Durrës anija me 715 turistë

Më: 7 gusht 2018 Në ora: 11:22
Anija “Seven Seas Voyager”

Anija “Seven Seas Voyager” me gjatësi 206 metra u ankorua në kalatën 5 të portit të Durrësit sot rreth orës 7.30 të mëngjesit.

Nga të dhënat e Autoritetit Portual mësohet se kroçera ka 715 udhëtarë gjithsej, 528 prej të cilëve janë qytetarë të SHBA, ndërsa pjesa tjetër vijnë nga 21 vende të ndryshme të botës.

Turistët u pritën edhe nga një grup të rinjsh të projektit “Smile Albania”.

21 autobuzë turistikë me vizitorë janë nisur tashmë nga Durrësi në destinacionet e parashikuara, kryesisht qendra historike dhe muzeale në qytetet e Krujës, Beratit, Tiranës dhe Durrësit, transmeton atsh.

Anija “Seven Seas Voyager” do të vijojë lundrimin sot në mbrëmje drejt Korfuzit.

Në portin e Durrësit dy ditë më parë u akorua edhe kroçera “Sirena”, me 659 turistë. 

Image
commentFirst article
Sot mund të lexoni Shfletoni kopertinat