Nëna merr në spital lajmin e kobshëm për vdekjen e vajzës 7-vjeçare - Bota Sot
Nëna merr në spital lajmin e kobshëm për vdekjen e vajzës 7-vjeçare

Shqipëria

Nëna merr në spital lajmin e kobshëm për vdekjen e vajzës 7-vjeçare

Më: 9 gusht 2018 Në ora: 14:52
Ilustrim

Valbona Ndreu, nëna e cila u përplas dje teksa ecte me dy vajzat e saj të mitura për dore, nga një makinë tip “Benz”, ndodhet në gjendje të rëndë në spitalin e Traumës.

Nëna sapo ka mësuar lajmin për vdekjen e vajzës së saj 7 vjeçare dhe ka kërkuar me insistim të shkojë në ceremoninë mortore por gjendja e saj paraqitet shqetësuese për mjekët.

Ndërkohë, vajzës tjetër 6 vjeçe, ende nuk i është bërë ndërhyrja për shkak të goditjeve të shumta që ka në kokë.

Ditën e djeshme Rozina Koleci 38 vjeçe, drejtuese e mjetit tip Benz shkaktoi tragjedinë me dy të vdekur e dy të plagosur dje në Tiranë.

38 vjeçarja humbi kontrollin e mjetit në Kodër-Kamëz, u përplas me një biçikletë dhe më pas përplasi nënën Valbona Ndreu me dy vajzat e saj 7 dhe 6 vjeçe, kalimtare.

Për pasojë, ndërroi jetë, 29 vjeçari me biçikletë, Ramazan Isha, si dhe vajza 7 vjeçe me inicialet E.N. Ndërkohë nëna dhe vajza tjetër 6 vjeçe që prej ditës së djeshme ndodhen në spital.

Sakaq shoferja ka dëshmuar në polici dhe ka pohuar se ka “ngatërruar frenat me gazin".

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...