Një pjesë e Sarandës prej 3 orësh pa energji, dy turistë italianë bllokohen në ashensor

Shqipëria

Një pjesë e Sarandës prej 3 orësh pa energji, dy turistë italianë bllokohen në ashensor

Më: 21 gusht 2018 Në ora: 17:16
Sarandë

Zona e Kanalit të Cukës në Sarandë prej tre orësh po vuan mungesën e energjisë elektrike. Pasojat më të mëdha po i vuajnë pushuesit dhe pronarët e hoteleve në këtë sezon veror.

“BalkanWeb” mëson se një çift italianësh kanë mbetur të bllokuar në një ashensor prej disa minutash, ndërsa është dashur ndërhyrja e pronareve të hotelit për nxjerrjen e tyre.

Ndërkohë një tjetër hotel në këtë zonë raporton djegien e disa pajisjeve elektroshtepiake si pasojë e luhatjeve të energjisë.

Mësohet se shkak i ndërprerjes së energjisë është bërë marrja flakë e n/stacionit elektrik për shkak të ngarkesës. Shërbimi zjarrfikës ndërhyri menjëherë dhe fiku zjarrin. Nuk raportohet për njerëz të dëmtuar, por vetëm djegia e transformatorëve.

Sot mund të lexoni Shfletoni kopertinat