Deputeti i PD, Edi Paloka përmes një statusi në Facebook pasditen e sotme shprehej se ‘Edi Rama, kryeministri i vendit më të varfër në Evropë udhëtoi nga Vlora në Rinas me një helikopter Cougar dhe më pas për në Torino me një charter për të parë ndeshjen Juventus-Lazio’. Por në një komunikim me Report Tv, Drejtori i Komunikimit të Kryeministrit Rama, Endri Fuga sqaron si qëndron e vërteta e udhëtimit të Ramës në Itali.
Ai shprehet se Rama udhëtoi në Itali me Igli Taren me një avion të prenotuar nga klubi i Lazios për Drejtorin Sportiv. Gjithashtu Fuga shton se kryeministri është i ftuar nga presidenti Agnelli për ndeshjen e parë në shtëpinë e juventineve për këtë edicion dhe do të kthehet nesër në mëngjes. Duke u ndalur te akuzat për udhëtimet, Fuga thotë se kryeministri udhëton në Economy Class dhe po kështu edhe ministrat.
Akuzat e Edi Palokës
Pak minuta me pare , ekzaktesish me 13.44 , kryeministri i vendit me te varfer ne Evrope, pasi ka mberritur ne aeroportin e Rinasit nga Vlora me helikopter Cougar, eshte nisur per ne Torino me nje charter tip Cesna 550, te Serbise YUBTB. Arsyeja; ndeshja Juventus-Lazio qe zhvillohet ne oren 18.00 Kushdo qe e ka mundesine, gazetare ose jo, le ta verifikoje.
Reagimi i Endri Fugës-Drejtor i Komunikimit te Kryeministrit Rama per Shqiptarja.com
Eshte plotesisht e vertete qe kryeministri Edi Rama ka udhetuar sot drejt Torinos, se bashku me Drejtorin Sportiv te Lazios, Igli Tare. Ata jane nisur nga Rinasi me nje avion te prenotuar nga klubi i Lazios per drejtorin sportiv, Igli Tare. I cili pasi ka kaluar disa dite pushime ne jug ne Shqiperise, eshte kthyer sot ne detyren e tij.
Kryeministri eshte i ftuar nga presidenti Agnelli, per ndeshjen e pare ne shtepine e juventineve dhe do te kthehet neser ne mengjes. Per ata qe perpiqen te luajne luftash me avione e me helikoptere, sqarojme se udhetimet e kryeministrit te vendit i kane kushtuar shume me pak buxhetit te shtetit, sesa ato te paraardhesit. Kryeministri udheton ne Economy Class dhe po keshtu edhe ministrat. Buxheti i shtetit nuk ka paguar asnjehere per asnje udhetim privat apo familjar te tij. Per kedo qe nuk e di se kryeministrat si rregull i kane shfrytezuar helikopteret gjate oreve te detyruara vjetore te fluturimit qe keto mjete kryejne (per arsye teknike mirembajtjeje), informojme se udhetimet e kryeministrit me helikopter gjate kohes se tij ne detyre, numerohen me pak se sa gishtat e duarve.
Ka me siguri njeqind rruge e arsye per te bere opozite me Edi Ramen e me qeverine e tij! Por nese do me kerkonin te zgjidhja nje absurditet mes plot te tilleve ne listen e akuzave ndaj kryeministrit, eshte akuza se Edi Rama eshte i dhene pas luksit, veseve e parave. Nje budallallek me brire!
