Nikolla: Inspektim tërësor të shkollave private

Shqipëria

Nikolla: Inspektim tërësor të shkollave private

Më: 17 shtator 2018 Në ora: 16:21
Lindita Nikolla

E ftuar në “Top Talk” të gazetarit Denis Dyrnjaja, ministrja e Arsimit, Lindita Nikolla u shpreh ndër të tjera se do të ketë një inspektim tërësor të standardeve dhe të kritereve të licencimit të të gjitha institucioneve të arsimit parauniversitar private.

“Ne do të bëjmë një inspektim tërësor të standardeve dhe të kritereve të licencimit të të gjitha institucioneve të arsimit parauniversitar. Kjo është matja e dytë që do të bëjmë dhe sigurisht që do të kemi për publikun edhe raportin si po performojnë këto shkolla”, tha ministrja Nikolla.

Ndërkohë, e pyetur për fëmijëve që janë analfabet funksional, Nikolla iu referua të dhënave të “PISA 2015”, duke u shprehur se tashmë Shqipëria është larg shifrave të publikuara në 2013-ën.

“Kemi të dhënën e parë të “PISA 2015”, Shqipëria është e dyta pas Spanjës për lidhjen e fëmijëve me shkollën. Pisa është instrumenti më serioz që e mat këtë problem. Këtë viti, është bërë matja e PISA 2018, që ne pranuam ta bënim digitale dhe do të kemi një raport të ri dhe do të shikojmë progresin e fëmijëve”, tha ministrja.

commentFirst article
Sot mund të lexoni Shfletoni kopertinat