Në shkollën në Tiranë këndohet “Velo partizani”, Majko- opozitës: Ku është e keqja këtu? - Bota Sot
Në shkollën në Tiranë këndohet “Velo partizani”, Majko- opozitës: Ku është e keqja këtu?

Shqipëria

Në shkollën në Tiranë këndohet “Velo partizani”, Majko- opozitës: Ku është e keqja këtu?

Më: 17 shtator 2018 Në ora: 20:01
Pandeli Majko

Në shkollën “Misto Mame” në Tiranë këtë ditë të parë të sezonit shkollor është kënduar ndër të tjera dhe kënga e “Velo Partizanit” gjë e cila ka sjellë dhe reagimin e ashpër të opozitës, e cila e ka konsideruar si një absurditet dhe fyerje për ish të përndjekurit.

Por këtë pasdite përmes një statusi në rrjetin social, Ministri për Diasporën Pandeli Majko ka reaguar ndaj akuzave duke i cilësuar si një sulm të kotë, pasi kënga nuk fyen askënd.

Për më tepër lexoni statusin:

Opozita sot ka protestuar pse është dëgjuar në ambjentet e një shkolle "kënga e partizanit të vogël Velo"… Kjo është për të qeshur dhe për të ardhur keq. 

Cfarë të keqe paska kjo këngë dhe kë fyen ajo?!

Para pak kohësh, qeveria shqiptare mori vendimin për të rikthyer në atdhe të eshtrave të Mithat Frashërit. Asnjë veteran apo familje të lidhura me Luftën nuk protestoi. Pasardhësin e Frashëllinjve megjithë ndarjet dhe kundërshtitë që vijnë nga historia e para 1944-ës si ish-kreu i Ballit Kombëtar ata e respektuan si njerëz dhe si shqiptarë dinjitozë. 

Opozita heshti për këtë vendim. Ajo merret sot me faktin pse këndohet kënga për një partizan që mori armët në moshë të re kundër okupatorit të vendit. 

"Këshillat e lagjeve" të dikurshme në kohën e komunizmit të shikonin me kë rrije, si i mbaje flokët dhe cfarë kënge këndoje…

Bravo i qoftë asaj shkolle që ka vënë këngë partizane për ditën e parë të shkollës. 

Ajo është kënga e atyre që rrëmbyen armët kur atdheun ja u pushtuan të huajt. Ky quhet patriotizëm jo komunizëm. Komunizmin nuk ja u sollën partizanët 14 vjecar. 

Shikoni sa ish-partizanë janë burgosur gjatë komunizmit dhe pastaj protestoni. 

E djathta sot është në opozitë jo nga kënga që ju këndojnë kundërshtarët por nga padija për të kënduar një këngë të vetën… Sigurisht.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...