“Lasgushi”, avioni i parë i “Air Albania”, është ngritur sërish ditën e sotme nga aeroporti i Rinasit drejt Stambollit.
Pas fluturimit me studentët e ekselencës pak ditë më parë, më pas me pensionistët, këtë të premte ishte radha e gazetarëve e artistëve të fluturojnë në Stamboll.
Pjesa e këtij udhëtimi janë 101 gazetarë e artistë. Nga fotot e marra ditën e sotme në avion, bie në sy shkrimi në shqip dhe në anglisht i të gjitha udhëzimeve.
Top Channel ka mësuar se fluturimet për qytetarët do të nisin në javën e tretë të tetorit, fillimisht me linjën Tiranë-Stamboll dhe më pas destinacione të tjera drejt Europës.
