Denoncimi, Paloka: Pse Rama hesht kur një vajzë është torturuar nga djali i deputetit të vet…

Shqipëria

Denoncimi, Paloka: Pse Rama hesht kur një vajzë është torturuar nga djali i deputetit të vet…

Më: 27 shtator 2018 Në ora: 14:20
Foto

Edi Paloka, nenkryetar i Partisw Demokratike, reagoi sot lidhur me ngjarjen ne Fushe-Kruje qe perfshin djalin e nje deputeti socialist dhe denoncimin per kete rast te nenkomisar Emiliano Nuhu.

Deklarata e plote e Palokes

Dëshmia tronditëse e oficerit të policisë Emiljano Nuhu është pasqyra më e vërtetë e kriminalizimit të thellë të qeverisjes nën drejtimin e Edi Ramës.

· Heshtja e kryeministrit të vendit pasi një vajzë është torturuar nga djali i deputetit të vet;
· Heshtja e kryeministrit për aktet kriminale të deputetit Rrahman Rraja;
· Heshtja e kryeministrit për sjelljen prej banditi të kryetarit të grupit parlamentar të PS, Taulant Balla,
i përfshirë në kërcënimin me pistoletë në kokë të oficerit të policisë;
· Heshtja e Edi Ramës, që ka shndërruar Policinë e Shtetit në organizatë kriminale,

flet më mirë se asgjë tjetër se ai dhe qeveria e tij është gjysma e bandës në pushtet që mbron bandat dhe banditët që kontrollojnë sot territorin, shtetin dhe policinë.

Është kriminale sesi drejtuesit e Policisë së Shtetit, nën urdhrat politikë të Fatmir Xhafës dhe Taulant Ballës, nuk kanë vepruar për të mbrojtur as vajzën nën kërcënimin e banditëve me pushtet, as për të mbrojtur nënkomisar Emiljano Nuhu.

Edi Rama nga dje, po zbaton të njëjtin skenar mafioz për të mbyllur skandalet që ekspozojnë lidhjet e tij dhe bashkëpunëtorëve të tij më të ngushtë me krimin.

Sa herë ata kapen në flagrancë në bashkëpunim me krimin, Edi Rama vërsul taulantët e tij të lidhur me krimin e organizuar :

· për të sulmuar denoncuesin e krimit
· për të prishur provat
· për të intimiduar dëshmitarët
· për të kërcënuar gazetarët,

siç ka ndodhur me kërcënimin mafioz të gazetarëve të televizionit Shijak TV. “Do t’ju vrasim, do t’ju fshijmë”- është mesazhi i banditëve të pushtetit për gazetarët e pablerë nga qeveria e Edi Ramës.

Sot shteti dhe ligji janë në gjunjë përballë kriminelëvë të lidhur me Edi Ramën. Kur shtetin e ka kapur krimi, qytetarëve ju mbetet vetëm dhuna për të mbrojtur jetën dhe fëmijët e tyre. Largimi i kësaj qeverie është rruga e vetme për Çdo shqiptar që do siguri për vete dhe familjen e vet.

 

commentFirst article
Sot mund të lexoni Shfletoni kopertinat