Moti për ditën e sotme parashikohet me vranësira mesatare dhe të dendura gjatë pjesës së parë të ditës, më pas do jetë i kthjellët me vranësira kalimtare në Verilindje dhe Juglindje.
Sipas Shërbimit Meteorologjik Ushtarak do të ketë reshje shiu me intensitet të ulët në orët e mëngjesit në ekstremin jugor.
Më pas kemi ndërprerje të reshjeve. Era do të fryjë me drejtim verilindje-veriperëndim, me shpejtësi 5-20 m/s. Erë me rrahje përgjatë vijës bregdetare. Deti parashikohet i forcës 3-4 ballë, me lartësi vale 1.8-2.4 metra.