4-vjeçari bie nga kati i dytë, policia greke arreston nënën shqiptare

Shqipëria

4-vjeçari bie nga kati i dytë, policia greke arreston nënën shqiptare

Më: 29 shtator 2018 Në ora: 13:46
Ilustrim

Një fëmijë 4-vjeçar me origjinë shqiptare është rrëzuar nga kati i dytë i apartamentit ku ai banonte.

Ngjarja ka ndodhur në qytetin Iraklio të Greqisë. Mediat vendase shkruajnë se policia ka arrestuar nënën e 4-vjeçarit, e cila akuzohet për neglizhencë të fëmijëve.

Djali u dërgua në spital në gjendje të rëndë me plagë në fytyrë dhe në trup. Pas ndihmës së parë, fëmija u dërgua më pas në një spital më të specializuar për shkak të dëmtimeve të shumta që kishte pësuar.

4-vjeçari ka qenë duke luajtur në ballkon kur u rrëzua, ndërsa prindërit e tij nuk kanë qenë në banesë në momentin që ndodhi ngjarja. Prindërit u njoftuan përmes një telefonate për atë që kishte ndodhur, ndërsa e ëma u arrestua.

commentFirst article
Sot mund të lexoni Shfletoni kopertinat