Përkeqësohet situata e zjarreve në Fushë Arrëz.
Autoritetet vendase bëjnë apel për shtimin e ndihmave nga ajri. Gjithashtu përfaqësues të Bashkisë tregojnë se flakët po iu afrohen banesave.
Ndue Doda,nënkryetari i bashkisë ka kërkuar të ndërhyhet sa më parë me mjete ajrore, sepse terrenin i vështirë dhe era po ndihmojnë flakët të shpërhapen me shpejtësi drejt banesave të banorëve.
Zjarri ka përshirë sipërfaqe me pyje në zonën e Lumbardhit, ndërsa ndërhyrja e mjeteve zjarrfikëse është e pamundur për shkak të terrenit malor.
“Situatë alarmante, zjarri përfshiu pyjet. Zjarrfikëset e kanë të pamundur të vënë zjarrin nën kontroll. Kërkojmë ndërhyrje nga ajri. Zjarret po iu afrohen edhe banesave të banorëve”, tha për “BalkanWeb” nënkryetari i bashkisë, Ndue Doda.
