Kryetari i Partisë Demokratike Lulzim Basha, e ka cilësuar të pritshëm vendimin e Prokurorisë për të kërkuar "arrest me burg" për, Albert Veliun, dëshmitarin X në audiopërgjimin që PD publikoi dhe që denonconte se Agron Xhafaj, vëllai i Ministrit të Brendshëm vijonte trafikun e drogës drejt Italisë.
“Kush priste dicka tjetër nga prokuroria Rama-Marku-Xhafa- Prela është vetëm naiv. Agron Xhafaj që i fshihej prej 5 vitesh drejtësisë me ndihmën e vëllait, u largua me urgjencë drejt Italisë, që të mos përballej me hetimin dhe akuzat që prokuroria e kapur i quan sot montim” shkruante Basha në një postim në Tëitter.
Basha ka vijaur edhe me një reagim tjetër në rrjetin social ku shkruan se me aktin e sotëm Rama i ka vënë zjarrin shtetit ligjor dhe bën thirrje për rrëzimin me çdo mjet të mafias në pushtet.
"Sot çdo shqiptar e kupton më qartë se kurrë pse Edi Ramës i duhej prokuroria nën komandën e tij. Me aktin e sotëm Rama i ka vënë zjarrin shtetit ligjor. Tani nuk ka mbetur rrugë tjetër për të vënë banditët para përgjegjësisë përveç rrëzimit me çdo mjet të mafias në pushtet.