Gazetari Trashgim Sokolaj i ftuar në "360 Gradë" në Ora News thotë se viktima Fabiol Gaxha që mbeti i vrarë me armë zjarri në zonën e ish-Bllokut mbrëmjen e 4 tetorit, vuante nga një sëmundje e rëndë.
Sokolaj: Ka disa elementë të rinj për ngjarjen. Personat e përfshirë në konflikt kanë hyrë në lokal në orën 18:00. Kanë qëndruar deri në orën 21:45 ka qenë orari që ka thënë policia. Kanë qëndruar deri në momentin që ka ndodhur ngjarja. Kanë qëndruar rreth 4 orë në lokal. Disa prej personave të përfshirë në konflikt kanë dalë disa herë nga lokali, kanë hyrë prapë në lokal. Viktimës Fabiol Gaxha i janë gjetur me vete disa medikamente që po kurohej për një sëmundje shumë të rëndë.
