Policia Rrugore: 27 të arrestuar në një javë, 124 leje drejtimi të pezulluara

Shqipëria

Policia Rrugore: 27 të arrestuar në një javë, 124 leje drejtimi të pezulluara

Më: 15 tetor 2018 Në ora: 18:28
Policia Rrugore

Me anë të një njoftimi për mediat, Policia Rrugore ka bërë të ditur masat e marra në një javë në kryeqytet ndaj drejtuesve të automjeteve që kanë shkelur rregullat e qarkullimit.

Policia bën të ditur se vetëm në një javë janë vënë në pranga 27 persona, nga të cilët 21 për drejtim mjeti në gjendje të dehur dhe 6 për drejtim mjeti të papajisur me leje drejtimi.

Ndërkohë, bëhet e ditur gjithashtu se janë pezulluar edhe 124 leje drejtimi, nga të cilat 52 për drejtim mjeti nën efektin e alkoolit, 39 për shpejtësi mbi normat e lejuara si dhe 33 për shkelje të tjera.

Masa të tjera më të lehta:

• 570 masa për shkelje të sinjalizimit rrugor vertikal dhe horizontal.

• Janë vendosur 346 masa për përdorim celulari.

• Janë vendosur 120 masa për mosdhënie përparësie këmbësorëve në vendkalimet e tyre.

• Janë ndaluar administrativisht 85 mjete, për detyrime të pashlyera.

• Si dhe janë vendosur 2730 masa administrative për shkelje të tjera të rregullave të qarkullimit rrugor.

• Janë kontrolluar 63 mjete Autoshkolla, nga të cilat janë ndëshkuar 4 prej tyre për mangësi në dokumentacionin përkatës.

commentFirst article
Sot mund të lexoni Shfletoni kopertinat